Hymenaeus leoburgicus...

In arma gentilitia illustrissimae et vetustissimae Belzeciorum Domus Irradiat geminus Belzeci Stemmata fulgor, Hinc vetus Accipiter promicat, hinc Solea. Scilicet heroam virtutem symbola produnt, Donaq; Fortunae divite fusa manu. Accipitrem sequitur coeli per climata virtus Belzecidum, solam, Gloria fixit humi. Sic coelum terrasque implent nova facta Nepotum, Belzecios Coelo fama Soloque manet Panegyris Illustrissimorum Neosponsorun Eximias Generis, fortunae, virtutis, dotes, Utriusque Sponsi in compendio recenset Adeste Vota et Gaudia! Ex terrestrium quoque siderum conjunctione fas est bene ominari terris. Quid enim illustres tituli et Prosapiae Nisi terrestiae sidera coelestium amula Virtute beneficentia?

Вікторин Скервін

HYMENAEUS LEOBURGICUS 

inter auspicata 

Connubij foedera Illustrissimorum Neosponsorum 
D. Bonaventurae Constantii de Belzec Belzecki 
Dapiferi terra Haliciensis etc. Nec non V. Franciscae 
Barbarae de magna koncszyce Mniszkowna 
Officiosi cultus gratiae et publicae laetitiae de cantatas 
A Victorino Skierwin Equite Lith.: Aqud: Philos: 
Leopoli, in Typ. Jacobi Moscicki, Anno Dei, 1670. 


In arma gentilitia illustrissimae et vetustissimae
Belzeciorum Domus
Irradiat geminus Belzeci Stemmata fulgor,
Hinc vetus Accipiter promicat, hinc Solea.
Scilicet heroam virtutem symbola produnt,
Donaq; Fortunae divite fusa manu.

Читайте також: Львівський світ книги у “Сотні польських письменників” Шимона Старовольського

Accipitrem sequitur coeli per climata virtus
Belzecidum, solam, Gloria fixit humi.
Sic coelum terrasque implent nova facta Nepotum,
Belzecios Coelo fama Soloque manet

Panegyris Illustrissimorum Neosponsorun
Eximias Generis, fortunae, virtutis, dotes,

Utriusque Sponsi in compendio recenset
Adeste Vota et Gaudia!
Ex terrestrium quoque siderum conjunctione
fas est bene ominari terris.

Quid enim illustres tituli et Prosapiae
Nisi terrestiae sidera coelestium amula
Virtute beneficentia?
Adouca nouas spes Lechia!

Vel ipso fortunato ex nomine auspicato
felicitatis tuae omine
Bonaventura Belzecki
Ventura bona ex nouo foedere, et nova
fulcra Tibi spondet.

Notum nimirum Belzeciorum Tibi nomen
Virtute, Felicitate, Fecunditate, gestis Honoribus.

Nicolaus.
Sui Nominis fortuna vicit omnem invidiani et obliuionem,
Superstes in superstite Patria: cui vitam, et fortunas impendit.

Bartholomaeus
Ducum in Zbaraz ac Ducum Solomeciorum sororibus
In Connubij foedere fortunatus, praenobilem Regio immisenit sanguinem.

Andreas
Quantum apua Exteros famae moribus,
Tantum in Patria gloriae fortitudine collegit.
Scgthica, Valachica Moschoutica praelia,
Ludus illi sed Martius erant.

Polocia, Koltrow, Sokol, Campus illius fortitudini unice natus factusque
Alter Sarmatiae Scaevola
Nisi quod ille sinistram, hic dexteram qua hosti ter vexillum eripuit.
Matrij roboris extare ad Posteros voluerit monumentum.

Ioannes
Castellanus Haliciensis Gubernator Belzensis,
Germanam se sobolem Andreae id est viri
virili pectore ostendit.

Oppugnatum et expugnatum Smolenscum cuniculis
Turpi clade Abati Pasae fastus et ausus depressus,
Proprio aere centuritatae cohortes,
Ingentis illus animi et Studii merendi de Patria ingentia sunt trophaea.
Dignus cuius immortalem famam.

Coelum aeternare vellet in Nobili Filiorum Quaternione.
Alexandro, Euaristo, Theodoro, Bonaventura.

Alexander Stanislaus
Etiamnum Palatinus Podoliae, Gubernator Belzensis
Literatae Sapientiae gloriam
Religione, Munificentia, Humanitate, ita cumulat
ut ad summum requirat nihil.

Quamquam frustra niteris calame
Gentis Belzecianae percensero Heroas,
Numero illos exemit Virtus innumera.
Unus pro omnibus sit tibi Bonaventura
Digna Senatoria Stirpe Bona ...ntam in suo
nomine, quam in se complexus.

Austria, Italia, Gallia, Belgium
Luculenti illus decorum testes sunt.
Has Provincias ita peragrauit,
Ut Gentilitata solea ubique Polona virtutis
Vestigium impresserit.

Nemo in illo Facundia Tulliani oris ac Calami satis admiratus est.
Quae rarum et admirabilem se facit ipso
quotidiano usu.

Quidquid Historicorum et Politicorum erudita
volumina continent,
Id in uno Belzecio unicum est, quia simus collectum.

Humanitas illus Diuinum probat Viri ingenium,
A suo prope abludens nomine,
Quod in homine Hospitale Numen exhibeat
Quam frequenti choro caeterae illum circumstant virtutes.

Ut Heroem, et ex Heroibus natum,
Vel ex solo virtutum comitatu facile agnoscas
At nec Mnischkovianae Domus cedunt his decora
Emicat hic Romani imperii Lumina
Vandalinus et Valerianus,
Alter Dux, alter Miles, uterque maximus Heros.

Nicolaus
Amores et pectus Regium Sigismundi I ita possedit
It nesciam feliciorne tum fuerit fundus
Possessore an Possessor fundo.
Ioannes et Georgius
A Sigismundo Augusto auguste habiti.
Pares se oblatis honoribus probanere,
nunquam audies.

Primae in Regno Praefecturae, Laticlavia
Senatorum illorum fuere decora
Vel ab illis potius decus accepere.
Magistratus cuim virum probat, Vir magistram commendus.

Alios infinitos prope et quos nostra adorat aetas
Ioannem Gubernatorem Leopoliensem
Georgium Vandalinum Gubernatorem Sanocensem
Romanis clariores Duumviros
Illustria Do mi Forisque in Toga et Sago commendant factoria.

Non una illis debetur pagina quorum non una est gloria
Nec minor virtus et fortuna
Nobilis huius stirpis rami alterius.
Sexu non laudibus hic cedunt Viris Faeminae
Marinae, Annae, Christinae, Euphrosinae, Ursulae.

Non tam Faeminarum, quam Gratiarum et
Musarum sunt hic Nomina.
Una tamen mihi incurris in palpebram
Francisca Barbara
Francisci Bernardi Castellani Sandecensis
Gubernatoris Sanocensis Lectissima filia
Ut enim latere maxime velis heroa prodit te virtus.

Nec soli inter nebulas, nec Virtuti in ignoto diu latere contigit.
Virilem animum et virtutem muliebri sexu frustra tegis,
Ostentant illam quaquaversum diffusi radij
Quin ipsum animi domicilium vultus prodit suum hospitem.
Effata non verba reddis, si quando affatum res poscit.

Lucretia, Penelope, Claelia, Artemisia
Taurum simulacra et umbrae virtutum fuere
Utillarum Virtus et facta fidem inueniant,
Tua facient illustria facinora.
Ergo te iterum alloquor Sarmatia.

Consociatis tot in illustrissimis Neosponsis decoribus
Novum auctarium felicitatis tuae expecta.
Neque cuim solum bonum est sui diffusiuum,
eadem et Virtuti quia optimae iudoles.

Novum felicitatis praesagium
Avito Belzeciorum accipitri
ex pennis Mnischkovianae prosapiae
O triumphe! Non humili gradu
Limen prementi Laetitiae tuum
O Magne Belzeci reclusas
Pande fores adytumque cordis.

Sonora nuper verba per auios
Displosa tractus, per radiantia
Infantis Aurorae theatra
Auribus insonuere nostris
Cum fama certi baiula nuntij

Albis Dionae vecta iugalibus
E nube pependit iocoso
Ore fremens, facilique cantu:
Quin et trilinguis murmure clascici
Remotiorum climata fiderum
Afflavit, et vicia faustis
Auspiciis animavit arua.

Siticulosis hausimus auribus
Arcana terris prodita, despicit
Seu quas Polonae Gentis Ales,
Fulminis igniferi satelles,
Seu bellicosa Roxiacus Leo

Quas armat ira, seu quibus Hectori
Nunquam secundus dextra et armis
Litauus adstat Eques, labantis
Septem trionis stator et Hercules.

Audite dixit Lechiadum plagae
Et vos niuosi congelata
Regna sub imperio Bootae,
Audite laetis non sine plausibus:

En usque vestras ardet in orbitas
Belzecianis fixa Ceris
Remigio propriae euolare
Virtutis Ales. Praepitibus vehit
Hunc illa pennis facta adamantina
Iscripta libro, et Lecheis

Marmoribus memorique cedro
Incisa quondam gesta Patrum, quibus
Thraces, Dacaeque, et Moscua frigida
Gaudet trophaeorum superbos

Reddere victa gemens honores.
Quid est quid ohe! Nubiagae cadunt
Plumata Guis Syrmata? tardior
(Quod fata vibravere telum?)

Caerulei per aprica dympi
Se gyrat? At vos Pignora gloriae
Mnischkovianae subdite nobiles
Pennae Fatiscenti vigorem

Nubigenum decori Quiritum
I nunc Cohortis Pennigerae decus
Belzeci, amicis suppetiis recens
Austasque pennas experia, et

Aera caeruleum volatu
Transcende. Erynnis sic fremitus truces
Audax potenti vincere pectore
Formidolosos impetusque

Inuidiae Phlegetonte dirum
Telum minantis. – Vos precor ardua
Haec vota Divi prospera reddite,
Si cura tangit Sarmatarum,

Sique monet Lechici trionis
Amor decoro vulnere faucius,
Belzeciani Stemmatis indytum
Lubarque, si diu Lecheo
Annuitis radiare coelo.

Enthusiasmus Poetae
Pompam nuprialem
Illustrissimorum Neosponsorum decantans.
O he! quis subito me rapit entheus?
Quis pennis humeros terga volucribus
Sic vestire dedit penniger Icarus!

Ohe remige iam vehor
Ala praepetibus pulsus etesiis!
Quis per fidereos aetheris ambitus?
Auras per vapidas quis stimulat gradum?
Nubes vincere quis dedit?

Orbis regna super pergamaque arcium,
Terrarumque domos iam feror igneo
Oestri Pieridum percitus impetu,
Audax aetheris incoda!

Audin? sidereis percrepet ut viis
Vocalis sonitus? Numquid inanium
Ne rerum species, ludit imagine?
Echo nube quid intonat?

Ut plausus hilares aera diudunt!
Ut laetae geminant gaudia Roxiae
Belzeci nova foedera!
Hic buxi responant Aonidum leues,
Hic Rossi veniens montibus inclytum
Echo concelebrat Mnischkiadum Genus

Sponsae et nomen amabile.
Hic nubes agili voci anhelitui
Responsant placidum: Connubii Saera
Sunt transfacta novi. Currite gemmea
Sponsis secula currite.

Читайте більше: Етикетна латиномовна поезія в українській літературі 16-18 ст.