Лукаш Словицький
VENATIO AMORIS IN APRO ET LEAENA,
Connubiali nexu foederatis
Nobili ac Generoso Domino.
THOMA GORDON
et Nobili Virgine
CONSTANTIA KUDLICZOWNA.
In Nobilissima Russiae Metropoli exhibita et peracta
Oblata Neosponsis in ipsa Nuptiarum solemnitate.
A Luca Stanislao Slowicki Poetices Studioso,
in Collegio Societatis Iesu.
Anno a Venatione Cordium Deo-Homine.
MDCLXIX Calend. Febra.
Leopoli, Typis Collegii Societas Iesu.
Scutum Gentilitium
Nobilis, Magnifici ac Generosi Domini
Thomae Gordon de Corridowne
Empireo similis splendescit in aequore Campus,
Substratum pedibus, Caerulemque decus.
Ardet Aper triplex, triplici formidine teli
Horridus, aurato Stemma colore nitet.
Читайте також: Словицький Лукаш. Лови Кохання на Вепра та Левицю
Atria delectant Superos, quae caerulea verrunt.
Partibus infernis aurea vena placet.
Empyrei color hic felices denotat annos.
Coelituumque viam.
Auro fulget Aper, telis surgentibus aureis:
His Fortuna fauet, Diuitisque beat.
Hic triplicatus Aper, triplicataque tela minantur,
Queis hostes Generis posteritate, fugent.
Scutum Gentilitium
Nobilis, ac Leonina Urbis Generosae
Catula Virginis Constantiae Kudliczowna
Urbs tibi Magnificae fiat, Nobilitatis Origo,
Inter Russiacas altius ire nequis.
Siste, Leoninae proles Generosa Parentis,
Siste, et Frateros aemula vise Lares.
Montes Russiaci dorso imposuero Leonis
Reges, at tanto pondere casa Lea est.
[Libera per Campos circumspicit, undique Fratris]
Querit honore frui, querit amore mori.
Frater agam Patriae perplexa negotia carae.
Tu Catulos foueas, haec tua cura Soror.
VENATOR AMOR
Rete tetendit AMOR, niueis venator in agris,
Inque LEAM Brito praecipitatur APER.
Cypris adesto parens, vel mitte Cupidinis arcus,
Queis feriatur APER, vel LEA victa ruat.
Quid LEA, num requies? quid APER, num tela vibralis.
Heus puer, in casses ambo ruere tuos.
Iuppiter extemplo Vulcania vincula cudi
Iussit et indomitis inijci APRO atque LEAE.
Res noua! Victus APER, LEA victa vicit Adonis:
Unus APRUM atque LEAM nidus AMORIS habet.
Quam bene conveniunt, nidoque morantur in uno,
Tam cicuratus APER, quam cicurata LEA.
Heus LEA Zodiaci Fraternos vise Penates,
Atque refer Fratri Sanguine iunctus APER.
Cui Fortuna dedit Caelestes ferre colores
Ludere in his valeant hinc APER, inde LEA.
Iam mansuestus APER, jamque est manuesta LEAENA.
[Praesentia proprii parochi]
Ante aras Divium, procubere genu.
Numinis Interpres taedas, ignesque iugales
Accendit Mystes: pandit AMORIS opus.
Iungit utrumque iugo, caelesti rore beandum
Spondet et inflammat connubiale decus.
[Statutio Sponsi ad dextram, Sponsae ad sinistram]
Dextram Sponsus amat, non frustra Sponsa sinistram
Occupat; huic rimam Iupiter apposuit:
Inspice Sponsa latus, latet hic tua costa, Maritam
Finxit et edocuit cordis amore mori.
[Annuloru Sponsi et Sponsae benedictio]
Foederis æterni signum est, ac pignus AMORIS
Annulus, hunc vobis fata fecunda vehant.
Sponsae ADAMAS rutilat, Sponsi micat Unio, ab aure
Pendulus: aut mas, aut faemina utrumq; place
[Dextru v…sq; counctio]
Mox niueas (quid enim superest) coniungite dextras
Corda sed arcitenens mollia nectat AMOR
Una amborum vox est, vox venatoris AMORIS.
[Verba sacramenti Maetrimonij]
Accipe me tuus est: Accipe me tua sum.
Est animus senusq; idem redamantis amoris
[Consensus muturus in Matrimonium]
Nolo, voloq; meum, nolo voloq; tuum est.
Proditor est AMOR ipse sui, sacra fulmina vibrat:
Sis AMOR ipsa meus, simq; AMOR ipse tuus.
Proditor est AMOR ipse sui, cor ora resoluit
Ut meus es tua sum: sim tuus, ut mea tu.
Optimus auritus, testisq; oculatus: amica
Facta LAENA APRO, factus APERq; LEAE
[Praesentia Testium indissolubile vi neulum]
CORDIUS est nodus, strictus Constantia Amoris
[Votum Amoris coniugalis]
Quem nec Alexandri solvere mucro valet.
[Votum Fidei coniugalis]
Non melius teneris iunguntur vitibus ulmi,
[Votum honoris coniugalis]
Hic ut APRI, atq; LEAE pectora strinxit Amor.
[Votum obedientia sponsae]
Non est tanta Fides Pyladis redamantis Orestem,
[Ius in alter utrum]
Quanta Fides APRI quanta fidesq; LEAE.
Vita fugit, Plutusq; fugit, fugit annulus usu,
Omnia vincit HONOR, non moriatur HONOR.
Imperiis parere Viri CONSTANTIA vouit:
Sed prius hic APROS exuat, illa LEAM.
Ius in APRUM obtinuit LEA, ius APER inq; LEAENAM
Lis iam decisa est, hic meus, illa mea est,
Nec se diuelli patient ut AMORE, vel ibnut
Ad mores APER hic, ad geniumq; LEA.
Naturam expellas furca tamen usq; recurret,
Tela vibrabi APER, cor ferietq; LEA.
Cedite iam templis, quibus est fortuna peracta
Iam sua: mutati sunt APER atq; LEA.
Sponsa tibi THOMAM reddo, moremexuit APRI:
Ne timeas APROS, aurea tela gerunt.
Sponse, LEAM abiecit CONSTANTIA nulla futura
Pugna, nisi euis spicula gestat AMOR
Barbita, sistra, tubae, vestras modô cogite turmas,
Vos Hymenaeus amat, vos Jovis aula beat,
Vos Amphionijs implete canalibus auras,
Dum Dionysiaco menso liquore natat.
Fercula prima paret, discos qui Cecropis urget.
Sit Palamedis onus, sit Ganymedis honos.
In superium patinis cerebrum sumpsisse LEAENAE,
Dicitur Alcides Extimuere Dij.
Sponse, LEAE cerebrum soli tibi praeparat una
Quae constanter amat: portio tota tua est.
En APER, est animal propter conuiuia natum,
Sponsa tuum hoc caput est. Hospitibus reliqua
Viuite nunc Laeti venantis finis AMORIS,
Iam LEA victa ab APRO, iam LEA vicit APRUM
Dum pars una bibat, clamat pars altera viuat,
Et Sponso et Sponsae plaudite, utrumq; bonum est.
Зберігається у фондах НБУ ім. В. Вернадського
Читайте більше: Етикетна латиномовна поезія в українській літературі 16-18 ст.