Processus iudiciarius
Regni Poloniae.
Collectore Thoma Dresnero.
Samosci
Anno Domini MDCI.
Читайте також: Латиномовні праці європейських дослідників XVI–XVII ст. із проблем Маґдебурзького права
Martinus Lenscius Typogr. Academ. excudebat. [3]
Thomas Dresnerus benevolo lectori.
Quum ab ineunte aetate, ad Iurisprudentiae studium, et mea sponte, et eorum suasu, quibus adolescentiam meam gubernandam permiseram, delatus essem, ita in eo versari animum induxi, ut labor hic meus, legibus patriis illustrandis, utilis aliquando foret. Quod institutum meum benignitas Illustrissimi Herois Ioannis Zamoscii Patroni mei, cumprimis adiuvit: nam me in clientellam receptum, perspectis studiorum meorum nationibus, ita deinceps auctoritate et consilio suo fovit, ut ad exercitium disciplinae huius capiendum, primaria iudiciorum subsellia mihi paterent, quam rem tanto emolumento mihi fuisse ad leges patrias ediscendas sensi, ut certa in spe sim, venturum in publicum operae meae fructum. Quanquam enim Reipub. Polonae status, suis et domi sancitis legibus constet: neque quicquam ex alieno adsciscat: idque severe cautum apud omnia fora obseruetur: tum vero scripto et definito iure potissimum utatur: [gr. ageatha] autem, aut ex consuctudine arcesita, aut nulla, aut paucissima admittat: tamen nescio quomodo fit, ut iuris Poloni peritia, non nisi in foro parari possit. Porro in audiendo, eum tenui modum primum, quicquid simile in Romanis legibus memineram, id cum nostris seponebam, et contendebam, locupletioremque reddebam suppellectilem nostram: deinde quod a nemine hactenus satis observatum fuit, licet ex ipsis legibus depromptum sit, viam et ordinem iudiciorum accurate aduertebam, et investigabam, sparsamque per varia ingenia colligebam, atque consignabam, Processum iuris nostri homines vocare solent. Ac priorem illam operam, et usus, et aetatis maturioris esse existimo, et cui non parva manu, sed iusto apparatu satis faciendum erit: hanc alteram cum viderem mihi nonnihil affecisse, communicata re cum plerisque amicis, quibus conatus hic meus non prorsus improbari ceptus est, quicquid illud enat a me excerptum, in libellum contuli, et pro industria mea, methodo explanavi: in vulgus etiam ut darem, multorum adhortatio fecit. Non quidem eo sine, ut sperem, ex praescripto meo fora Polona directu iri: sed quae mihi esse usui repperi, iis offero, qui uti volent: aut si qui meliora animo concipere, ut pro bono publico, meo exemplo expromant: vel si erratum aut omissum quicquam a me est, expositam hanc sibi tabulam ad reprehendendum et corrigendum habeant, nihil enim magis cupio, quam emendari a peritioribus. Cui rei, opportunitatem etiam oblatam puto, ex hac mea profectione in Gallias: quo mihi ad ea ipsa luris studia uberius ediscenda, liberalitas Herois [4] mei Ioannis Zamoscii eundi facultatem dedit: ut sive labor hic meus in reprehensiones hominum incurrat, ex longinquo, et quasi post tabulam audiam: sive amicum corridendi officium aliquis sibi desumat, per absentiam meam confidentius id faciat, ut cunque eveniet, votum meum est, prodesse bono publico.
Ordo Titulorum
qui hoc Libello explicantur.
De Iudiciis.De Citationibus.
De Terminis.
De Vacationibus fori.
De Accessoriis.
De Dilationibus.
De Exceptionibus.
De Praescriptionibus.
De Litis contestatione.
De Probationibus.
De Re iudicata.
De Appellationibus.
De executione rei iudicatae,
De In integrum restitutionibus, vulgo; de male obtento.